睇戲

今日好熱, 一早一午去左睇戲..

禮儀師之奏鳴曲
感動。描寫細膩既感情, 每個場境都好好睇。
原來就算追到心中既理想, 其實倒頭來都未必係好。上天一定有條路預左俾你行, 到時候就會出黎。而且, 用心去做, 一定會做得好。

抵攞獎。

**************************************************

讀愛
琦溫絲莉好戲好左好多。話依套3級真係好多餘。
內容講到集中營個度有d震撼, 因為之前有考慮過經過德國個陣會去, 做過小小resarch。
其餘...唔識講...

.

想說

時間很充實。

工作很忙, 像一下子排山倒海怕做你唔死咁多..更可怕既係隔離team 依然不停講電話, 不停facebook以及準時收工。各有前因莫羨人, 我唔係眼紅人地可以咁他條, 自己就做到隻積咁..只因我信...我真係辛苦命..


************************************************************
去旅行

復活節去麗江旅行, 究竟我夢想中既香格里拉係點既呢?
好期待...

但係今次一反常態地..我冇好好地計劃行程, 以往既自由行, 我一定會早於一個月前search 哂所有資料。但係今次, 我只係隨意地看看, 很想試試隨心而去既感受...



************************************************************
偷回來的感情

我唔知偷回來的歡愉可以有幾耐。亦唔知係咪大家都只不過係懷念過去, 做番一d應做而未去做既事...

有時很甜很甜很甜, 有時又很懊惱....

喜歡一個人

我很容易會喜歡一個人。

可能是他穿著一套很好看的西裝。

可能是一句說話。

也可能是他某一次望著我的眼神。


但是..亦很容易不喜歡一個人。

可能是我覺得他EQ很低。

可能是他一些小動作。

可能是他的斤斤計較。



今日我可能很愛很愛你。但我會在一剎那間很討厭你，不想望你一眼。


我覺得自己很可怕。



.

機械人

依幾日好拿忙, 但唔同以前個種忙完後有滿足感個隻。

淨做...打電話...出e-mail...review...comment....follow up....

機械人咁。

其實很悶。

*****************************************

卒之出左部電話喇--> Nokia 5800..yeah~~yeah~~

第一次上手, 就似阿笨與阿占咁。send 個message都唔識．．．

原本科技既野, 真係要趁後生學左去。

再大個至學....真係怕力不從心啊。

一百萬零一夜

一百萬零一夜。

今日早場, 一間戲院, 開哂2個院。
竟。然。是。full house。
不過有好多公公婆婆睇。唔知係咪等飲茶拎左籌又未到用$35坐住等呢?

不過呢....好奇怪, 買飛個陣最尾個看係全full, 但到完個陣有10個位一直都冇人坐囉...

套戲...唔係唔好睇...不過都唔係咁勁囉。

*******************************



戲院內另一邊, 上演part4故事....











.

哭

他一切是關於你　

微笑及眼睛似足你

離別你再與你相遇　

其中彷彿千世紀

你可愛的孩兒不知 某天我跟你寫故事　和當中意思

好嗎你　如今是爸爸的你

我衷心祝福你　我的心雖因你 哭　

哭一雙好戀人 差一些會一世共行　

無奈又終須分 哭　哭

身邊的小孩 可知這一個過路人

某天差一點已變了他的母親

他一切是關於你　神氣實太跟你相似

如若我再次向他注視　原因只得你知

我心這天仍然依依 某些我應放低的往事　纏繞一輩子

好嗎我　如今尚孤身的我 會說一聲不錯　

你永不可知我 哭　

哭一雙好戀人 差一些會一世共行　

無奈又終須分 哭　

哭多想都不能 觸摸你擁抱你但願能 永遠都祝福你　永遠心中把你親

哭　哭一雙好戀人 差一些會一世共行　無奈又終須分 哭　

哭多想都不能 觸摸你擁抱你但願能 永遠都祝福你　永遠心中把你親

生日會

今日去左朋友個仔既一歲生日會。
係一個會所到搞, 場面極之...盛大。又banner, 又野食, 仲有好多好多玩具。

總共有10個女BB, 4個男BB。
可以睇到將來男仔真係好吃香下, 點爭好呢?
如果一齊喊, 相信個種震撼, 我覺得都幾好笑。之但係就算我幾鍾意小朋友, 我都會即刻走。

係個間房每個BB都有唔同玩法, 一個二個俾D爸爸媽媽舞黎舞去, 我唔知個D BB會有幾開心, 但係佢地既父母就好enjoy。其實依d都係parent gathering, 仲係一個show off function, 好似去show俾人睇自己個B有D乜, 有D物。其實BB都未識揀, 究竟咁多野係佢地面前, 佢地會點睇呢?

我知如果我有B, 我唔會咁搞法囉, 睇到..都攰。


而我係一歲個陣, 我諗我仲係一舊飯咁坐係度。

墨

面上有幾粒墨, 想脫左去。

左眼眉頭一粒, 右眼眉尾一粒,人中左一粒, 左咀角一粒。

睇左幾個web, 都話有d係好既, 有d唔好。

心大心細呀。

假桃花

阿蘇師傅同黃大仙都好準。

今年假桃花真係有。一開始舊曆就黎...

未開始就都知係大家霧水情緣..

想個D.....可以去開始既其實又唔得..

唔想個D...又...繼續係度囉...

唔通連個天都唔鍾意我???










.

婚宴後記

今日去左一個相識好耐既友人婚宴。
因為是太好朋友, 就算只有我一個, 我都會出席。

我好眼淺, 每每看到由雙方童照, 到宣誓誓詞, 我總是會熱淚盈眶。這一次也不例外。

看到友人成家立業, 我感到萬分恩惠, 我看到一個男子的成長。 由個一刻, 他將會是人家的老公; 我知道, 這一刻, 我會又少了一個飲酒朋友。我不可能在他面前任性了。

但是, 我由衷的高興。

*********************************************

婚宴的一角, 叫我想起在不夠半年前, 我倆正為酒席奔波。
而今天的一間,是我們去過的另一間分店。
我們有商量過, 要不要他們提供的鋼琴表現, 冰雕。模擬過怎樣怎樣上台, 如何擺位...........


........................

到了今天, 我聽著琴司伴奏, 望著友人幸福的笑容........


我選擇在吃炸子雞時走了。
再下去, 我怕我真的會出羞...........





.

保持距離

臨返屋企前接到你電話, 我竟然寧願坐在公園裡跟你胡鬧著也不回家。


說著你忽然說起以前種種, 我又忽然落淚。



忽然你說想見我, 擾擾攘攘地在晚上8:30pm 見面。



我們一下子上了山頂, 笑說重溫舊日往事。



我故意常問你家事, 提醒你有家人。你有意無意地說起我們的往事。


CK One.


我們一直都保持距離, 一直都保持距離...

我係你心見中永遠都係最好











.

手提電話

最近開始睇手提電話。

用開的那個, 係有一晚與朋友係九龍城食完飯放左係張椅到唔記得拎, 發現後打返去已經熄機 (阿門!)。另一友人知道後, 過兩日速遞一部用0機價既電話俾我，是一個只可以打/收 電話同sms既超簡單電話。一用, 用了差不多2年。其中, 睇唔啱同因為懶而一直無換到。

電話對我黎講係:
-收得, 打得
-send 到sms
-記下d重要日子
-有收音機, 等我臨訓前聽下
-有埋影相就最好


其實好多牌子都有依d function, 太多既function好似上網, GPRS...唔係唔用, 係好少好少好少好少會用。睇左一輪, 又聽完D sales講完, 其實咪個個都差唔多, 總結如下:

1)笨笨實實, 但有內涵, 仲好耐用。到咁上下時間拎去"舉"個陣, 都仲有價位。
例子: NOKIA

2)外表有形, 但內涵不足, 成日壞機。最幣就係勁跌價...
例子:Sony ericsson


講下講下, 有D似揀男人咁:
1)笨笨實實, 但有內涵, 仲好耐用。到咁上下時間拎去"舉"個陣, 都仲有價位。
-> 係咪搵老公人選?


2)外表有形, 但內涵不足, 成日壞機。最幣就係勁跌價...
-->帶出黎就威, 之不過原來裡面不知所謂！


都係一樣既係, 其實都要試下唔同款先知邊款啱自己。


唔....依一季個D款都好似麻麻地, 既然用緊個部都仲WORK..一於"食住等"...抑或..依家其實可以試下其他款先?

但又咁...都未係最好......亂揀??

我講緊電話咋。




.

激動

昨晚心情。很激動。

*******************************************************

夜晚周圍行, 心血來潮查一下電話, 原來真係有個miss call。
個電話no#好陌生, 但我都回一個電睇下邊個搵。

打第一次既時候, 有把好陌生既男人聲, 我即時掛上電話。
冇幾耐又唔知點解, 我再打第二次...

我: 你問邊位打 90xx-vbhs 呀?
你: 你認唔認得我呀? (我: 乜依家仲有人玩依d野?)

我: 下...xxx呀?
你: 下...我係YYY呀! (我: my god...我既初戀情人...一個無疾而終既puppy love 故事)

我: 下...hi, 你好嗎?
你: 幾好呀。

我 + 你 (同一時間): 你結左婚未?

我: 哈..未.你呢?
你: 我結左喇! (我: !!)

我: 嘩, 幾耐呀, 有B未呀?
你: 都好耐喇, 個BB 就都有8個月, 仔就呀! (我: 你結左婚, 生埋仔, 好一個幸福溫馨家庭, 你打黎做乜呀!!!!!!!!!!!!)


你: 冇呀, 早排同D舊同學見面, 都想搵下你傾計呀...
我: 嘩, 你知唔知我地幾耐冇聯絡?

你: 都有12年喇 ! (我: 其實確實係96年分定97? 我都唔太肯定)
.......................................................................

*********************************************************************

我。真係好激動。
近來太多人, 太多人同我講結婚呀, 生左仔呀。
係要忽然間, 大家好似約埋咁, 一齊結婚, 生仔。
我以為愈聽得多, 我可以愈會懂得麻木。

但原來, 每聽一次, 我就愈激動。

我知激動無用, 但係我真係平靜唔到。










..................

愛情斑馬綫

我覺得成都人, 好係好可愛。

看著"香港早餐"播出時, 個女仔仲話"巧感動, 巧浪費呀".

*********************************

http://www.takungpao.com.hk/news/09/02/08/images_0702-1029280.htm

成都愛情斑馬綫迎來首批新人


全面完善後的「愛情斑馬綫」迎來首批新人

【大公網訊】成都有成千上萬條街道，但大都面色灰暗，表情呆板。昨天(2月7日)早上，經過全面完善後的成都市合江亭「愛情斑馬綫」正式亮相。這條4米寬的彩色斑馬綫，讓整條街道頓時鮮活起來，可以說是成都目前最浪漫、最溫馨的街道。不少新郎倌或背著或抱著新娘，從這里一起走過，這是他們的「愛情斑馬綫」。不過，市民們說，成都其實還可以有更多類似的斑馬綫，甚至塗鴉街道，以此彰顯成都人的親情或友情等。
愛情斑馬綫的「前世今生」
「合江亭」方圓不足一平方公里，但一直是成都新人們的愛情紀念聖地。很多新人都會在婚禮當天，到合江亭拍照、許願。每有好日子，這里的交通壓力就劇增，以至于連新人過街都成問題。
去年五一節前夕，交警在這里增設了一條人行橫道，取名爲「愛情斑馬綫」。當時雖被冠名爲「愛情斑馬綫」，但也就是在灰色路面上畫幾道白色綫條，在外觀和使用功能上與其他斑馬綫幷無差异。「當時也就是打一個概念，主要想抓住新人心理，引導大家走人行道以確保安全。」交警說。但這條斑馬綫幷沒有引起太多關注。

去年七夕，交警在斑馬綫旁增設了特製的紅色立錐筒，上面印著紅色玫瑰，寫著「百年好合」的祝福。這給合江亭增添了不少喜慶味，贏得了新人和普通市民的一片贊嘆。但總覺得還是少了點什麽。

今年春節前夕，交警開始思考如何讓這里更溫馨。公交車專用道的紅色路面讓交警找到了靈感，上網查詢資料後，交警决定打造一條真正意義上的「愛情斑馬綫」。設計方案幾經修改，于是有了現在的模樣。交警們沒想到，該舉動不僅在全國創下先例，還引起了國際反響。國內外很多媒體紛紛報道成都的「愛情斑馬綫」，幷發表了評論。在他們看來，經歷了地震之痛的成都，因爲一條「愛情斑馬綫」顯得更溫馨浪漫，更美麗動人。

抱著新娘來回過斑馬綫

斑馬綫上的兩顆心其實早就畫好了，但正式寫上「愛情斑馬綫」，是民警們在前晚連夜完成的。昨天一大早，交警三分局合江亭崗組的民警在斑馬綫兩側擺上了花柱，標明了昨天是農曆正月十三。道路兩側，上百個特製的「花好月圓」錐形筒隔出婚車專用道，迎接新人的到來。
新郎曹先生來自黑龍江，他說自己是「成都的女婿」。昨天早上9時，曹先生在合江亭拍完照片後，特地帶著新娘李小姐和攝影師來到「愛情斑馬綫」旁。「我早在去年就知道合江亭有條愛情斑馬綫，一直計劃要和她一起來走走。愛情斑馬綫就像成都市的紅地毯，不僅是新人，每一個走在上面的人都會感受到溫暖、感受到愛。」曹先生說著，樂呵呵地背起新娘就往斑馬綫上走。到了街對面後，曹先生覺得還沒走够，看看路上車幷不多，他又抱著新娘走了回來。夫妻倆一路歡笑著，他們的親友和執勤交警不約而同地跟在一旁，送上了掌聲和祝福：「祝福你們，希望你們一路平安。」

曹先生的「瘋狂」舉動讓另幾對新人也樂了，新郎倌們陸續選擇來到這里，或背著或抱著，或十指緊扣，和新娘一起走過他們的「愛情斑馬綫」。一些戀人還專門站到斑馬綫上，拍照留念。
市民提議打造更多個性斑馬綫

昨天下午，30歲的劉梅對記者說，很遺憾她已是「過來人」，不然也要穿著婚紗和老公走走愛情斑馬綫。在接受訪問的幾位女士眼里，她們看到的不僅是斑馬綫，更看重「愛情」的象徵。斑馬綫上的兩顆心讓她們非常激動：「好溫馨，好浪漫哦！」

外地游客嚴曉蘭則說：「在成都，我記住了春熙路的時尚，合江亭的溫馨浪漫。」
市民何偉則建議：「我們成都打造了愛情斑馬綫，也可以打造表現親情、友情的斑馬綫啊？」他的建議得到了周圍幾位市民的附議，還七嘴八舌地提出了設計方案。比如，在斑馬綫上畫緊握的手，象徵團結;或者畫上和平鴿，象徵和平……

.

皮面具

我覺得好恐怖呀。

**************

日本新產品，變態的美女人皮面具，製作精美，戴上後還可以吃東西！老實說我得蠻好笑的.......一個要台幣五萬四左右，想要一個嗎？？

施比受更有福

畢業後出黎做事冇耐, 就覺得趁自己能力可以, 幫到既, 都應該儘量去幫身邊既人。

剛過去既生日, 終於dig起心肝, 選擇助養小朋友。

我深信, 施比受更有福。

透過宣明會, 做幾過好簡單既步驟, 填d資料。

原本諗緊, 上年四川地震, 自己又係中國人, 係好應該幫返我國既小朋友。
但另一方面又諗, 會唔會有其他既小朋友, 更需要其他人去幫呢? 如果上天要我幫既, 唔通唔幫咩, 既然有依個助養既想法, 就唔應該再加規定, 幫到就幫啦。(後來我至知係冇得揀...諗多左!!)



冇幾耐, 就收到助養小朋友既資料。個一刻, 我覺得我頭上有光環 。ok, 我知我膚淺, 但係我真係同朋友講, 我好開心囉。



佢係一個埃塞俄比亞既男小朋友, 叫 DUBE, teshale.

"Hi, 你好嗎?願你健康, 快樂。"



.

米米

今日係友人米米既生日。

今日前, 與幾位朋友約定, 要送花俾佢。諗起佢會收到花個樣, 既驚又喜就已經好開心。

如計劃所定, 會係lunch 送到。



米小姐仲以為係個佬送, 好彩auntie 咁啱從旁指引。

結果, 米米好開心。

朋友開心, 我更開心。





米米, 生日快樂。

我地會繼續每年一個旅行。雖然有時勞氣, 但開心既時候更多。

願你快樂。

好潮濕

好潮濕。

今日個天好潮濕。係CWB世貿望個去九龍, 灰濛濛, 乜都見唔到, 好黏立立。

春天黎左?

係, 係依種氣味喇。

係初春係樹下個種氣味。

我記得, F.5 同F.7 個陣要MOCK EXAM, 一早返學, 個種晨咁早要起身, 腦入面有唔同既科目內容, 但又覺得自己好fresh, 經過學校門前既樹既氣味, 係依種青蔥歲月既氣味。



噢...人大左, 開始懷免過去常陶醉..一半樂事..一半令人流淚...







.

想說

2月13日, 朋友搞了個lonely heart dinner, 認識了幾個朋友。
臨時興起去唱k, 走既時候係4am。又一次挑戰自己既生理時鐘。去到12pm, 我已經好眼訓囉。


*****************

2月14日情人節係屋企, 補看<珠光寶氣>大結局。

看到阿爸係屋企露台對住阿李司棋個幕, 我哭了。



藉口地, 我痛痛快快地又哭了...









.

被TAG~

Tag U:

20 things I can think of within 5 minutes using my first name's initial.


Rules:
It's harder than it looks! Copy to your own note, erase my answers, enter yours, and tag twenty people.
Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.


1. What is your name : Jackie

2. A four Letter Word : Joke

3. A boy's Name : Jack

4. A girl's Name : Jess

5. An occupation : Judge

6. A color : Jade

7. Something you'll wear : Jeans

8. Something you'll do : Job

9. A food : Jelly

10. Something found in the bathroom : Johnson & Johnson

11. A place : Jordan

12. A reason for being late : Jogger

13. Something you'd shout : Jesus

14. A movie title : Jurassic Park

15. Something you drink : Juice

16. A musical group : Judas Priest

17. An animal : jewelfish

18. A street name : Jave Road

19. A type of car : Jeep

20. The title of a song : Just for you


************************************

好深...仲諗左好耐呀~~~

打破紀錄

65, 到家下已經有65封利是。

打破紀錄。應該好難再打破喇....

根據習俗, 我會舊十五至拆利是。

應該係時候換電話喇。知道我用咩電話既人, 有冇好提議?

放心, d $$ 唔會好耐, 因為我想買錶囉。我想買個隻錶, 好貴呀, 有冇人會sponsor呀?





而其實, 我最想買樓。

***********************************

拆利是個下, 我覺得好唔環保。係, 我認我怕樹精 and 地球先生有日找我晦氣, 平日已經儘量用/銷紙數量, 但總係好似唔夠咁...有冇人會回收利是封呀?


***********************************


今日有2個AGENT 話有工介紹。天, 我竟然有猶豫, 我怕坐低無耐又要起身, 係依個時勢，　我得穩最緊要。


***********************************

可能食得熱氣野多左, 口腔上齶好痛。只能食好mild 既野, 咁...可唔可以當減肥, 但係我家下飲梗啤酒當涼茶...呵呵。





.

yoga~yoga~

上年為著要更愛惜自己, 走左去上yoga, 仲要係高溫個隻,因為出汗既感覺好正。每次做完都好似脫胎換骨咁。(不過依排天氣凍, 都冇乜出汗)。而做既過程, 個腦有時係空白, 有時又忽然想喊, 有時係大休息個陣,好似靈魂出竅咁, 個人好平靜...。

而每個導師都有唔同之處, 有miss就樣靚身材正(真係好索呀!!), 有d就好鍾意扮西人係咁講"ok, great! (我知佢可能係想鼓勵下d學生)...有時佢地都會執下我地唔啱既姿勢。有次個阿sir輕輕咁托住我條腰, 我竟然臉紅...(呵呵!不過我係唔會用成日做錯等佢過黎既...嘻)

係同一個centre 入面, 有唔同既班: 踩單車, pilates, 有跳舞。
有唔同年齡既女人係個場係到..relax, 咁當然有時都會比較下 (梗係自己係心講, 我好有口得), "嘩, 依個幾瘦下", "咁肥既?", "又幾靚喎", "嘩, 個姨姨咁難都做到, 勁!"..等等等等..其中有一個比較大年紀既姨姨, 堂堂既肚皮舞, hip hop (!!), funky dance 都有去玩, 佢投入既情度係會係等入去班個陣, 係門口自己排下, 仲會教佢既朋友點轉身至啱。講真第一次見到既時候, 我係用嘲笑既心態去睇住佢地跳, 冇幾耐, 睇到佢個認真, 令我都汗顏...依家見到佢, 都會用讚賞既眼神鼓勵下佢。

除左欣賞下女人既body 之餘, 有d 人既心態都好好睇。講到明遲到係唔俾入,仲會lock門 因為真係會影響其他人。有一次已經開左堂喇,都過左5分鐘, 有個女子係玻璃門後係咁揮手俾阿sir話想入黎, 阿sir搖頭示意, 點知個女子係門口嗌, 仲去到reception 嘈話咩因為有個急電話要接至遲左, (阿小姐你咁大個人遲左就遲左喇, 睇佢都係文明人, 唉...) 最後阿sir都俾佢入黎, 不過好討厭囉。

逗利是

尋日開工。



返到公司未開口, 同事都已經準備利是( 真窩心!)等派(嘻)。都咁大個人, 已經唔再一返工發左癲周圍去逗喇, 就算唔派我都講恭喜發財既, 都係大家開心唧。可幸大家都明白事理, 早早準備, 免得我咁大個人面朦朦。



是日有19封。yeah!



不過公司開工利是得$20 ....噓........



****************************************



好搞笑, 今日仲有舞獅呀。係公司入面舞。獅。呀。

真係好好笑囉。

崖上的波兒?崖上的Gucci?

CLICK to ENLARge lA.

If You Want Me

If You Want Me by Marketa Irglova

Are you really here or am I dreaming
I can’t tell dreams from truth
For it’s been so long since I have seen you
I can hardly remember your face anymore
When I get really lonely and the distance calls its only silence
I think of you smiling with pride in your eyes a lover that sighs

If you want me satisfy me
If you want me satisfy me

Are you really sure that you believe me
When others say I lie
I wonder if you could ever despise me
You know I really try
To be a better one to satisfy you for you’re everything to me
And I do what you ask me
If you let me be free

If you want me satisfy me
If you want me satisfy me

If you want me satisfy me
If you want me satisfy me







.

奇幻逆緣

很震撼的一齣戲。

-能承受嗎?
我的的確確愛你, 但身邊人不斷年輕, 自己卻不斷年華老去嗎?

-尋尋覓覓, 兜兜轉轉, 終於在一起, 卻有要分開..

-要遇上, 要去愛, 還要在時間上的配合, 才能真正在一起。



-不論你是多麼的輕狂, 在命運之神前, 大家都是平等的。






-做自己想做的事
-時間不是阻礙
-隨自己意願開始
-選擇改變..或者保持現狀
-我要記住我們此刻的模樣 ......

















Brad Pitt 真係好有型。

Cate Blanchett 跳起舞的線條, 真係無得頂， 好靚, 好軟...









我很易哭, 任何事一觸動到我某處, 我會不由自主的流下淚來。


有一幕他們最後在酒店的房間裡造愛, 他是那麼年青，已呈老態的她，我還可強忍眼眶淚水不流下來....

當Benjamin回到小孩, 茫茫然望著垂老的Daisy: Do I Know you.....

最後Benjamin回到嬰孩, 在Daisy懷裡睡去時, 我差點崩潰了....




"Good Night, Benjamin"





.

游龍戲鳳

年初三, 如往年一樣, 飲完茶去黃大仙拜神。



不過今年真係好多人, 勁打蛇餅, 行到個人暈暈地, 後面個阿嬸個鄉下話講到好大聲...等左成粒鍾, 卒之可以入去上香, 好多好多人, D"香"好攻眼。
D人係咁叫: 喂, D"香"向上啦....對眼就係咁流眼淚..嗚....仲有成頭灰...



用極速既時間拿拿聲上香, 之後就同細佬妹去求簽。每年去求既, 除左家宅, 都係事業同姻緣。

其實解簽佬講既都係個D說話: 要等呀、會有轉機呀、做多D善事呀...依D老生常談既說話。但唔知點解, 每年都要聽一次, 去求一次至心安。



可能, 暗地裡我都係想有人同我講依D鼓勵性既說話去SUPPORT我繼續行落去...







*******************************************





係我好細個個陣, 媽媽有時都帶我地去睇戲, 不過, 諗番起都好耐咯, 都有10年以上喇...

係今年, 我同細佬妹就帶左媽媽去睇游龍戲鳳 喇。(本來想睇家有喜事, 不過硬係覺得太胡鬧)




























個古仔太過童話, 都係灰姑娘遇上王子既故事..不過, 咁都好既, 起碼讓現實中既你同我, 有個幻想同希望。幻想自己係灰姑娘, 終有一日有個有錢, 又靚仔, 仲要有咁愛我既人出現...


反而身邊既何韻詩,林嘉華既出現來得更真, 更貼近現實。較喜歡何韻詩與張涵予那段, 很可愛, 很窩心。


幸福是要自己爭取的。




.

年初一

以往既年初一, 都要去爸爸朋友屋企拜年, 縱使萬般不願意, 因為年年都係問個d問題:

仲讀緊書個陣:
-今年考第幾呀?
-今年中五呀?
-幾時大學畢業?

出黎做野:
-係邊樹做呀? (講左幾廿次都要問囉...)

最煩既一條:
-拍拖未? 幾時結婚呀? (okok, 有就會通知你喇...)

到左依家, 其實都唔駛去拜年喇。因為d老人家走左。


其實去拜年都係大家聯誼下, 開住部電視, 都係個d新春慶團圓個d, 大人有大人傾下計, 我就鍾意同細佬妹食哂人地全盒好好味個d糖, 總之間屋要好嘈好嘈, 食完餐飯, 走之前係門口互"質番"大家俾番d糖呀, 橙呀, 蘿蔔糕呀至走。個陣條街真係好多紅當當既一家人行黎行去, d人個個都有恤過髮呀,好高好圓個d, 家下諗起都好好笑。

但唔知點解, 可能人大左啦又未有家庭, 依家都冇乜個種氣氛喇...

依家? 咪仲係睇住電視既賀年節目....


.

新春大吉

祝諸君:

恭喜發財!

萬事如意!

身體健康

~更緊要財色兼收。

封利是大封D 啦。多謝。

*******

好凍。


.

醉駕累人

醉駕累人 貨車壓毀的士六死
過年前有單咁既事, 真係好唔開心。

一個咁既司機, 淨係坐監絕對唔夠, 六條人命呀, 唔單止係六個人, 係六個家庭。就算判死刑都唔能夠彌補, 係做咩都唔能夠補償。

我不撤嬌

小學放學一大班人放學個陣, 總有d同學仔既父母或者阿爺阿"女麻"接放學, 之後就會有人幫d 小朋友背起書包, 個小朋友就好輕鬆咁跳跳虎跳番屋企。而我, 在我有應知以來, 絕少有人接過我放學。

記得僅有的一次, 忽然見到爸爸在遠處等我, 我記得個一刻我好開心咁笑:.好野, 有人接我放學喇...當我滿心歡喜咁以後可以好似其他小朋友咁想將個書包除低再交俾爸爸既時候, 我見到爸爸見掉下一個嚴厲既眼神, 叫我自己拎番...長大後, 我知道爸爸是要我趕快獨立, 不可倚賴。

所以, 由細到大, 見到身邊既人隨便撤撤嬌嬌, 好多野可以垂手可得, 雖然我其實暗地裡萬分羨慕, 我唔明點解有人可以乜都唔駛做, 自己就算做餐死都吃力不討好..

我會善解人意, 我會大方得體, 我會嚴厲自己, 因為我明白撤嬌對我來說係無用,我只唯有靠自己既努力。

我的媽媽

睇到空姐的行李篋 Elaine講媽媽, 我都想講..

1) 如果過左夜晚7點洗頭, 會俾我阿媽勁鬧, 理由係咁夜(?!!)洗頭老左會有頭風(!!)。我習慣日日洗, 放工6點, 要極速返屋企, 係佢未返屋企前洗左先。

成幾廿歲人, 我成日都覺得我好似做賊咁。如果過左時間, 我寧願第朝早起身洗。

2) 我成日係屋企佢會話我係自閉, 思想封閉, 唔出去識人。佢唔記得個陣中學我想同d同學玩, 都會俾佢剷到上天。

3) 開開心心咁係星期六煮餐飯俾屋企人食, 就係因為星期六我仲係屋企, 都要勁鬧+好難聽既說話。我激到即刻要走落街自己睇左場戲抖氣...

4) 同一齊好多年既男友埋門時分手, 佢第一句係叫我唔好咁大脾氣 (!!)

5) F.5 , F.7 , 大學考試, 溫書去到12點幾, 會話: 讀咁多書黎做乜, 又唔係勁....

6) 同佢講我會讀Master (自己供呀), 佢會話我浪費時間..&@#mailto:#*@^#*@%

仲有好多好多..........................

我知佢係我阿媽, 好緊我, 好愛我, 好擔心我。不過真係好難受。有時就算你唔支持我, 唔緊要, 都唔好踩多腳...

我可以點? 哭過, 鬧過, 平心講道理過....都係咁...

咁...咪咁囉, 唔係點喎。

友誼

我是很愛我的朋友。

每開始一段友誼時, 我總會小心奕奕, 好好保護, 希望真的友誼永固。

可是, 有些人, 愈認識久了, 他們會看準你的弱點, 一刀插下去後便逃走...

小學時候玩"躲避球", 球忽然被拋入水地上, 沒有人願意取回,我一股勁跑進去, 拾起它 。可是之後即有人話我蠢, 因為其實可以唔駛自己執....

中學時, 因為不肯埋一班自以為是既人堆, 中五放榜後自己搵學校個種心情只有自己承受...

大學時, 曾經以為有一個有共同理想, 啱傾既朋友可以同渡大學美好生活; 結果讓我發現她偷偷抄我功課, 之後仲要攞得高分過我,...

以上這些都不是我的朋友。

家下有時上facebook, 見到中學 or 大學同學既gathering既相, 我唔知幾多中間有真情假意 (我真係聽個有朋友去完後講左句: 都唔知黎仲乜? 咁又點解要去呢請問?), 但有些聚會, 既然只是hi & bye, 道不同不相為謀, 總之依個世界有人鍾意食橙, 亦有人愛蕉.... 我寧可繼續珠光寶氣囉。




我現在的朋友都很愛我, 緃然不會日日把酒言歡, 但是他們都讓我感覺很實在。我無需左防右防, 無需顧言, 有個句講個句, 大家真真心心咁講野, 真係開心。

湯駿業音樂會

一個用心的音樂會。

一個友情既音樂會。

一個感人的音樂會。

Edmond先生: 看到你在台上演出, 是真的, 一個真正孔雀開屏的音樂會。

我喜歡看著你合著眼用心去唱。

放心, 你既用心, 我相信台下愛你的人都感受到, 好charming, 很好看。請繼續努力!

制服誘惑

公司依排每個禮拜都郁人, 尋日總共炒左10個人, 我條team 就有2個。我都唔明點解唔一次過, 。如果話會影響公司既聲譽, 根本就多舊餘, 係人都知家下咩時勢, 逐d逐d黎搞到d人都冇心機做野; 最起碼,俾留番係度個d人有信心做落去啦...唉!

**********************************************

我地返工著衫既文化係好casual, 男既通常tee + 牛仔褲; 尋日一位男同事, 竟然著左件西裝返黎 (因為去飲) , 嘩好有型, 即刻搞到d 女同事崩潰呀!

其實我好鍾意見到男人著西裝 (酒樓侍應除外), 一見到有壯闊既膊頭, 我都好想從後面緊緊抱實, 將塊面放落佢個背脊個dup 位到, 個種餘溫真係好warm 呀...

開始發花顛....

想說

失驚無神公司block左個blogspot 個 web, 搞到無得睇大家既blog...灰!
當然, 我都知唔應該係公司睇/寫blog, 但無辦法實在無野做...睇完又睇過既e-mail + 重覆開住個system。天呀...

**********************************************************

早幾日卒知有一份工可以interview, 雖然離屋企車程都要45mins, 咁既市道仲有工見真係仆倒去; 可惜一埋位至講一星期都要係大陸做野, 第一個灰; 跟住就係一個唔似office既office, 第二個灰; 最慘就係有條問題答錯左, 灰灰灰!

**********************************************************

收到好友定好結婚既日子, 少了一個可以和我飲酒既好朋友, 有點感慨...唉!

愛情左右

啱啱睇左"愛情左右", 個拍攝手法與"女人不壞"相類似, 係個D荒誕陸離, 搞下特技個d。

故事本身都幾得意既..整套戲都係北京取景, 但都主打商廈區, 都可以代入為中環咁; 至於男角方面, 剩係讀得出古巨基同黃曉明, 其他真係恕孤陋寡聞唔識, 可能要分12段, 個個都未到高潮就要bye bye...

但對林嘉欣係戲裡面完全失望....成日都係嘟起個咀扮可愛, ok, 我知, 林小姐最吸引人既地方就係佢既梨渦淺笑, 但係都唔駛12段情入面成日都要呢? 的而且確, 頭幾段係咁都ok, 幾cute咁囉...次次都係就有d濟喇...浪費左林小姐既能力呀....

如果想hea 下, 輕鬆下, 睇依套都ok...(我都係因為唔開心至睇依套唧)

想說

我相信有危就有機, 金融海嘯對每個人都有帶來衝擊，但亦無損想轉工既念頭。

成日都上jobsdb　或者classifiedpost, 亦有send CV, 不過自己咁多次工都係AGENT介紹。究竟個Ｄ工係咪假既呢？


*******************************************

尋晚睇左"我的2008-文叔"單完, 很感動。一個身體有障礙既人, 持著一顆"有人幫我, 我好開心; 如果我幫到人, 我仲開心"既心態去待人處事。現在就算一個健全既人, 都未必可以咁樣做。

陳健鋒既旁白令我動容: 英文既present係指現在, 亦都係解禮物。能夠當每日都係禮物, 去活得開心, 係一種福氣。 能夠每日都安然活著, 的而且確, 係一種福氣。

**************************************

真係唔想見到Constance 既戲,寧可佢做留玉塋小主既角色, 都唔要見到佢扮柔弱。

不過睇到佢尋晚去西藏, 就又撩起我起個好想再去個把火，個度有一種講唔出既寧靜, 有一種舒服, 加上個度既人輪廓好深, 好特別, 而且因為要適應當地天氣, 你要好慢, 好慢咁去活動, 感覺........真的良好。

真。係。好。想。再。去。西。藏。呀。


仲想到尋晚發夢去左呀.............現實中我已pack 好一袋專for 依種旅行既衫, 一拎就可以起行, 係夢中我竟然執漏左好多野.....咁即係我現實中有乜野未prepare好呢??


想。點。呢？

Hey...我記得Constance同阿發同Terrence個間露天餐室, 我去個陣係一間旅館 (希望位置冇記錯), 個日係有一年既新件時間, 我地一班人第一日去既第一間旅社, 諗住入去訓一陣, 回一回氣再行下啦...點知蓋哂被半個鐘, 腳同手都係好冰凍...原來間旅社冇暖氣, 卒之一行人即時退房, 去左間有暖氣同可以上網既賓館....

甜 到 漏.....林 嘉 欣

我自問沒有溫柔的聲線, 嬌滴滴的外表, 有時亦討厭這些女子 (係好憎。好憎。扮哂野~~~唔係吃不到的葡萄, 放心, 我是很自量的, 唔係就唔係)

但看到林 嘉 欣, 問心, 我也為之心動。

因為她, 是。由。衷。的。甜。美。

**************************************

By Full FACE 85

面 對 面
林 嘉 欣 　 剩 女 貞 德


1994 年 ， 我 在 那 一 年 的 願 望 ， 是 做 張 學 友 《 情 書 》 MV 的 林 嘉 欣 ， 甜 到 漏 ； 我 隔 籬 願 望 ， 是 儲 齊 周 慧 敏 全 套 Yes 咭 。
2009 年 ， 41 歲 的 周 慧 敏 要 嫁 給 Yes 咭 始 創 人 倪 震 ， 剛 滿 30 歲 的 林 嘉 欣 則 從 氣 質 美 少 女 步 入 理 智 之 年 ， 經 歷 過 合 約 糾 紛 、 隱 退 過 復 出 過 、 肥 過 又 瘦 過 、 愛 過 有 婦 之 夫 、 年 年 入 圍 金 馬 金 像 贏 過 亦 輸 過 。 30 歲 ， 一 個 人 住 。

在 新 戲 《 愛 情 呼 叫 轉 移 2 愛 情 左 右 》 中 ， 演 回 自 己 ： 一 個 經 歷 多 多 事 業 有 成 ， 30 歲 還 未 嫁 得 出 的 名 女 人 ， 內 地 人 的 說 法 叫 「 剩 女 」 。
「 30 歲 ， 對 女 人 講 ， 唔 係 關 卡 ， 係 開 始 ， 識 得 生 活 開 始 。 」
30 歲 的 林 嘉 欣 ， 因 為 突 然 想 穿 漂 亮 衣 服 ， 所 以 減 肥 ； 因 為 自 由 自 在 ， 所 以 沒 再 眷 戀 舊 情 人 ； 因 為 愛 自 己 ， 輸 掉 金 馬 影 后 所 以 失 落 。
年 代 不 同 了 ， 女 人 到 40 歲 才 怕 一 個 人 ， 才 奮 不 顧 身 地 恨 嫁 ， 讓 人 不 知 道 說 她 是 傻 還 是 天 真 才 好 。 30 歲 的 女 人 ， 管 她 中 女 、 熟 女 還 是 剩 女 ， 最 重 要 的 ， 是 沒 有 被 一 段 19 年 的 戀 情 拖 累 ， 忘 掉 要 好 好 對 自 己 。



“ 香 港 ， 個 人 好 易 好 慌 ， 成 日 俾 人 踩 到 腳 … … 因 為 我 行 得 慢 ， 香 港 人 個 個 唔 食 住 個 風 去 行 好 似 就 蝕 咁 。 ”

女 人 三 十
中 學 時 代 ， 我 是 真 的 恨 做 林 嘉 欣 ， 恨 像 林 嘉 欣 一 樣 甜 美 得 讓 人 妒 忌 。 15 年 過 去 ， 甜 美 如 林 嘉 欣 ， 也 逃 不 過 自 然 定 律 ， 年 過 三 十 ， 成 了 熟 女 。
「 我 好 鍾 意 30 歲 自 己 。 十 幾 廿 歲 ， 跌 過 撞 過 痛 過 日 子 ， 必 需 要 經 過 ， 人 才 會 大 ， 才 會 識 得 生 活 。 要 愛 自 己 、 要 接 受 自 己 同 自 然 定 律 ， 才 會 開 心 。 」
林 嘉 欣 口 中 的 生 活 ， 是 晚 上 10 點 幾 覺 ， 朝 早 7 、 8 點 自 然 醒 ， 冇 拖 拍 、 少 夜 蒲 ， 不 開 工 的 日 子 ， 就 自 己 買 菜 煮 飯 ， 然 後 一 個 人 靜 悄 悄 的 看 看 書 、 煲 煲 碟 ， 典 型 的 文 藝 女 青 年 。
「 香 港 ， 個 人 好 易 好 慌 ， 成 日 俾 人 踩 到 腳 … … 因 為 我 行 得 慢 ， 香 港 人 個 個 唔 食 住 個 風 去 行 好 似 就 蝕 咁 。 以 前 好 怕 聽 唔 明 人 講 乜 、 加 入 唔 到 人 話 題 ， 成 日 想 行 快 、 知 多 ， 跟 到 人 … … 真 係 跟 得 好 辛 苦 。 諗 通 ， 跟 做 乜 ？ 跟 到 又 唔 會 幫 到 自 己 做 戲 ， 不 如 行 自 己 熟 悉 步 驟 ， 搵 到 自 己 做 方 式 同 價 值 仲 好 。 幾 安 慰 係 ， 我 做 自 己 ， 原 來 都 好 多 人 睇 到 自 己 成 長 ， 原 來 我 唔 寂 寞 。 」
愛 自 己 的 大 前 提 是 ， 和 音 樂 人 陳 光 榮 分 手 三 年 ， 一 個 人 也 不 寂 寞 ： 「 感 情 生 活 ， 朋 友 仲 緊 張 過 我 ， 想 介 紹 男 朋 友 畀 我 識 。 我 真 係 冇 辦 法 接 受 一 段 被 安 排 發 生 戀 愛 … … 我 寧 願 等 ， 我 信 要 發 生 始 終 會 發 生 。 」

恨 到 出 面

幾 個 月 前 訪 問 林 嘉 欣 的 戲 劇 老 師 詹 瑞 文 ， 詹 Sir 說 ， 冇 第 二 個 明 星 學 生 像 嘉 欣 一 樣 ， 夠 膽 死 篤 住 月 曆 同 經 理 人 公 司 講 ： 「 今 個 月 一 、 三 、 五 唔 好 安 排 畀 我 做 ， 我 要 上 詹 Sir 堂 。 」 咁 都 未 夠 ， 去 年 9 月 ， 林 嘉 欣 再 跟 經 理 人 公 司 拿 4 個 月 假 ， 跑 去 巴 黎 上 戲 劇 課 程 。 94 年 出 道 ， 卻 因 為 經 理 人 合 約 糾 紛 回 加 拿 大 繼 續 學 業 ， 01 年 在 香 港 電 影 重 新 開 始 的 林 嘉 欣 ， 7 年 拍 20 多 部 電 影 ， 每 部 不 是 扮 怪 物 就 是 思 覺 失 調 ， 最 高 紀 綠 是 連 續 4 年 入 圍 金 像 獎 影 后 提 名 ， 努 力 累 積 的 演 技 沒 話 說 ， 去 年 失 落 金 馬 獎 影 后 ， 卻 是 第 一 次 公 然 說 失 望 ， 甚 至 被 指 眼 紅 到 暗 寸 勝 出 的 劉 美 君 。

「 係 喎 ， 第 一 次 出 到 聲 話 緊 張 個 獎 … … 以 前 就 算 多 提 名 ， 自 己 覺 得 未 係 時 候 、 未 夠 班 。 今 次 《 親 密 》 唔 同 ， 所 有 都 太 好 ， 太 鍾 意 。 咁 市 道 ， 遇 到 個 好 劇 本 好 難 ， 經 常 性 ， 劇 本 係 一 樣 ， 拍 出 完 全 唔 同 。 」 就 算 心 邊 恨 獎 ， 大 可 以 像 所 有 娛 樂 圈 中 人 做 法 ， 客 套 的 假 情 假 意 一 番 呀 ： 「 坦 白 ， 係 因 為 我 的 確 失 望 ， 冇 必 要 對 住 記 者 否 認 ， 講 大 話 唔 係 我 作 風 。 我 不 嬲 唔 覺 得 自 己 屬 於 娛 樂 圈 ， 我 係 鍾 意 電 影 。 16 歲 陣 被 星 探 發 掘 拍 MV ， 就 真 係 發 明 星 夢 。 入 行 至 知 ， 明 星 唔 係 咁 易 做 … … 劉 德 華 至 係 明 星 ， 但 我 冇 辦 法 好 似 佢 咁 。

「 我 電 影 起 步 得 太 好 ， 01 年 返 香 港 第 一 套 戲 ， 就 係 《 男 人 四 十 》 （ 張 學 友 男 主 角 ， 發 生 師 生 戀 ） … … 所 以 以 後 表 現 我 都 太 用 力 ， 唔 想 輸 ， 想 每 一 個 人 都 鍾 意 我 … … 邊 有 可 能 ？ 對 一 個 地 方 太 熟 悉 ， 人 會 變 得 唔 太 敏 感 ， 對 好 多 甚 至 自 己 都 睇 唔 清 楚 。 去 完 法 國 讀 書 ， 至 發 現 自 己 原 來 好 多 弱 點 ， 太 要 面 子 、 好 好 勝 ， 又 驚 又 唔 輸 得 … … 家 學 識 釋 懷 ， 人 自 然 開 心 好 多 。 冇 獎 ， 係 失 望 ， 但 都 係 一 晚 。 唔 獎 ， 都 要 繼 續 努 力 啦 ！ 」



台 灣 出 生 、 加 拿 大 長 大 ， 15 歲 的 林 嘉 欣 被 前 經 理 人 張 洪 量 發 掘 ， 不 顧 母 親 反 對 ， 獨 自 一 人 去 台 灣 發 展 娛 樂 事 業 ， 初 登 場 即 演 出 天 王 張 學 友 的 《 情 書 》 MV 。

16 歲 以 甜 美 外 形 俘 虜 港 台 少 男 ， 俘 虜 埋 經 理 人 張 洪 量 個 心 ， 結 果 蜜 月 期 一 過 ， 出 完 處 女 碟 《 單 戀 物 語 》 ， 即 因 合 約 糾 紛 被 封 殺 ， 回 加 拿 大 繼 續 學 業 。
《 壹 週 刊 》 圖 片


01 年 簽 約 星 皓 電 影 在 香 港 重 新 出 發 ， 處 女 戲 對 手 又 係 學 友 ， 做 《 男 人 四 十 》 問 題 女 學 生 ， 揚 威 02 年 香 港 電 影 金 像 獎 ， 不 過 夠 膽 牛 仔 褲 出 席 更 威 。
台 灣 《 蘋 果 日 報 》 圖 片




幾 乎 年 年 有 提 名 ， 去 年 12 月 卻 在 落 敗 金 馬 影 后 後 首 度 呻 失 望 ： 「 我 冇 睇 過 《 我 不 賣 身 我 賣 子 宮 》 ， 但 我 覺 得 劉 美 君 應 該 贏 ， 因 為 演 技 係 要 經 歷 累 積 。 」
“ 我 份 人 ， 愈 多 人 批 評 ， 愈 唔 服 氣 。 ”



愛 恨 肥 瘦
輸 掉 一 個 金 馬 獎 ， 林 嘉 欣 始 終 是 頒 獎 禮 常 客 。 最 輝 煌 的 一 頁 ， 是 不 做 玉 女 改 做 演 員 ， 第 一 部 作 品 《 男 人 四 十 》 就 一 口 氣 奪 下 那 年 金 像 獎 的 最 佳 新 演 員 和 最 佳 女 配 角 兩 個 大 獎 。 不 過 ， 第 二 十 一 屆 金 像 獎 那 一 晚 ， 焦 點 不 是 林 嘉 欣 手 上 的 兩 個 獎 座 ， 而 是 她 下 身 的 那 條 牛 仔 褲 。
「 一 晚 之 前 ， 我 唔 係 冇 試 過 裙 ， 幾 十 條 都 有 ， 不 停 又 除 又 呢 個 動 作 。 但 好 多 牌 子 都 係 sample ， 得 一 個 size ， 我 真 係 唔 落 。 年 我 130 磅 ， 史 上 最 肥 ， 事 實 上 係 得 牛 仔 褲 有 我 size … … 」 結 果 是 ， 從 此 以 後 ， 林 嘉 欣 成 了 bad taste icon ， 甚 至 第 二 十 二 屆 金 像 獎 邀 請 咭 上 都 要 註 明 ： 「 出 席 者 請 不 要 穿 牛 仔 褲 。 」
「 我 知 ， 次 次 行 出 ， 好 多 記 者 等 住 影 我 全 身 彈 我 衣 。 就 算 係 咁 我 都 冇 怯 ， 怯 就 唔 會 咁 啦 ！ 我 份 人 ， 愈 多 人 批 評 ， 愈 唔 服 氣 。 點 解 大 家 都 要 係 同 一 種 身 材 ， 點 解 唔 可 以 有 肥 有 瘦 有 高 有 矮 呢 ？ 我 做 電 影 ， 點 解 唔 可 以 肥 ？ 琦 溫 斯 莉 都 係 咁 啦 ！ 」
那 年 代 ， 我 記 得 逢 做 林 嘉 欣 訪 問 ， 經 理 人 公 司 事 先 聲 明 ， 林 嘉 欣 唔 穿 短 袖 衫 唔 裙 ， 大 家 都 知 咩 事 。 這 天 在 影 樓 ， 以 肥 溫 做 目 標 的 林 嘉 欣 ， 身 材 竟 然 標 準 過 標 準 ， 甚 至 能 穿 背 心 仔 。 「 我 份 人 唔 迫 得 ， 減 肥 ， 係 因 為 有 一 日 ， 終 於 想 靚 衫 。 」

02 年 因 為 《 戀 之 風 景 》 與 已 婚 配 樂 師 陳 光 榮 相 識 ， 04 年 公 布 戀 情 ， 年 半 後 即 告 分 手 ： 「 我 唔 識 講 大 話 ， 但 做 呢 行 怕 拖 要 承 受 太 多 外 界 壓 力 ， 以 後 我 會 選 擇 唔 答 。 」





02 年 與 張 國 榮 合 拍 的 《 異 度 空 間 》 ， 竟 然 成 了 哥 哥 遺 作 ， 林 嘉 欣 說 ： 「 我 好 尊 重 哥 哥 ， 過 咁 多 年 ， 都 冇 辦 法 回 應 呢 件 事 。 」




講 不 出 聲
這 個 訪 問 ， 電 影 公 司 先 旨 聲 明 不 談 感 情 。 事 實 上 ， 這 個 一 月 ， 產 量 不 多 的 林 嘉 欣 一 口 氣 有 兩 部 愛 情 電 影 上 映 。 一 個 是 與 鄭 伊 健 主 演 的 《 親 密 》 ， 另 一 個 是 與 黃 曉 明 、 古 巨 基 等 十 二 位 男 星 做 對 手 戲 的 《 愛 情 左 右 》 。
「 拍 《 愛 情 左 右 》 ， 遇 到 幾 個 湊 仔 公 ， 黃 磊 、 陸 毅 ， 個 個 都 做 爸 爸 。 突 然 間 覺 得 ， 湊 仔 公 好 性 感 好 細 心 ， 自 己 都 有 衝 動 想 做 媽 媽 。 不 過 第 時 仔 女 千 祈 唔 好 學 似 我 ， 太 執 又 偏 偏 要 做 呢 行 ， 太 辛 苦 。 」
我 可 以 不 問 愛 情 ， 但 是 林 嘉 欣 應 該 沒 有 停 止 過 憧 憬 愛 情 。 盛 傳 05 年 與 陳 光 榮 分 手 原 因 ， 是 因 為 陳 光 榮 一 心 成 家 立 室 ， 嘉 欣 則 事 業 心 太 重 。 可 能 是 我 對 號 入 座 ， 聽 她 的 口 ， 硬 是 有 些 悔 不 當 初 。

想說

尋晚忽然好想食蠔, 即時跟L小姐相約到天后Oyster C共進晚餐,我去到既時間係6:45pm,未有客人,到走個陣9:30pm全鋪full-hse, 仲有人等位, weekday 都可以咁樣, 都唔錯喇。生蠔好新鮮,每人獨食12隻不同種既蠔...好。好。味。呀。~Yummy~~ 但係之後就"出街食飯即肚痛症"即刻黎............激氣!!

********************************

其間同L小姐提到想學野,講到

1) 依家學既要可以係老來時自娛, 好似音樂 (拉二胡?), 老舞 (青青何邊草....) , 象棋 (其實唔知駛唔駛學), 畫畫...

2) 既然我地可以afford 得起個陣, 就應該揀一d 細細個個陣好想學, 但可能當時環境未可..好似學琴.. 咁...學咩好呢?

********************************

章小姐的加勒比海泳照, 我覺得很好呀, 身材很修長, 雖然沒有大大的胸部, 而且個度係可以裸晒, 佢地又係情侶, 有咩錯呢? 嘈咩呢? 關大家咩事呢?

亦舒

-第一本看的亦舒是在中學時從姨姨書架上的 <玫瑰的故事>;

-亦睇過套戲叫《玫瑰的故事》及《流金歲月》之後,之後就一發不可收拾(張曼玉真係好靚)

-就算到左依家, 我都會每月兩次去圖書館睇去亦舒D書, (因為之前買得多, 冇位放, 而且又睇得快,去圖書館睇抵D)..

-鍾意亦舒除左因為佢文筆簡潔、細膩, 女主角都自愛, 堅強, 有文化、學識、內涵, 智慧, 氣質..., 潛移默化後,自己漸漸跟著走

-想不到像不食人間煙火的她竟然有個blog: http://yishu.mysinablog.com

黃德斌

黃德斌...無話可說...

你要我拯救你嗎( 當然, 太誇下海口了吧!)。我意思是在珠光寶氣的你。

要是為了愛人, 點解唔可以坦然相對? OK, 我知你好man, 雖然係人人地醉左個陣你講左, 但係唔得o架, 要係大家清醒個陣講呀....

(我係咪睇電視睇到痴左線?!)