愛情左右

啱啱睇左"愛情左右", 個拍攝手法與"女人不壞"相類似, 係個D荒誕陸離, 搞下特技個d。

故事本身都幾得意既..整套戲都係北京取景, 但都主打商廈區, 都可以代入為中環咁; 至於男角方面, 剩係讀得出古巨基同黃曉明, 其他真係恕孤陋寡聞唔識, 可能要分12段, 個個都未到高潮就要bye bye...

但對林嘉欣係戲裡面完全失望....成日都係嘟起個咀扮可愛, ok, 我知, 林小姐最吸引人既地方就係佢既梨渦淺笑, 但係都唔駛12段情入面成日都要呢? 的而且確, 頭幾段係咁都ok, 幾cute咁囉...次次都係就有d濟喇...浪費左林小姐既能力呀....

如果想hea 下, 輕鬆下, 睇依套都ok...(我都係因為唔開心至睇依套唧)