2008 大事回顧

2008年, 我經歷了幾個頗大轉變, 即係學蘇師傅講, 犯太歲個年會有好多轉變:
-感情: 放開/解開了一段關係, 由最終既唔甘心, 怨恨, 到放開, 放開所有...彼此更自由....我相信我要的"真正既放下",將不遠已。

-事業: 由一份一個星期有3日要過左夜晚10點至走得, 上司間唔時黑面, 每日都有不同挑戰既大機構, 轉到一個每日準6點即走, 工種唔同, 同事好好笑, 但工作沈悶, 冇挑戰, 冇前景既工。我知我容許自己太安逸係依個養懶既地方....,我深信自己無幾耐就走, 只等一個機會....

-學業: 今年完成MASTER係令我終於覺得自己完成學業行埋畢業典禮, 可以上台被"卜"頭, 係對自己一個肯定, 一個交代。 真正既"禮成"。

-旅遊: 9月去左歐洲, 加埋我最想去既英國; 11月上海瘋狂之旅....比上年出外少左。灰。應該多去啊 !

-自身: 讀完個course+準時放工, 多左好多空閒+無聊時間。

-錢財: 繼續空虛, 繼續不停駛$$$...悲! 由其係我既幾年基金得番一半, 我欲哭無淚... 失落了三日...

-健康: 我相信我患左出街食飯肚痛症 (即對街外食物敏感)...每次出街食飯之後個肚會叫: 快d返屋企!快d返屋企!快d返屋企!快d返屋企!快d返屋企!快d返屋企!快d返屋企!快d返屋企!....結果...返到屋企就無事....吹脹!!!!



*******************************************************


對於2009年:

-感情: 依然 (唔怕死地去) 渴望愛, 熱吻, 擁抱, 甜言蜜語,有一個可以安穩寛闊既膊頭, 讓我哭, 讓我躺下而無所顧慮...( 在尋找可依偎的胸膛, 愛在何方, 我笑我 紿終罕．．．．．．．．．．．．．)但我好記得, 有日有記者問鄭秀文感情之類既問題, 佢話: 梗係想啦, 不過神既然安排依家既生活俾我, 佢一定認為咁係對我係最好既....個一刻, 我真的感動了。咁即係......

-事業: 隨時準備進入作戰狀態...............


-旅遊: 想去多次西藏, 英國...再新加: 香格里拉...睇埋北極光......

-錢財:儲多d, 要實行大計.....


-自身: 我要每日開開心心, 迎接新既一日。有愛我既朋友, 我相信佢地會支持我。

-健康: 已經同自己身體傾計, 要乖乖地, 我會對你好好啊~~~~

-我要增進知識, 搵d野學
-唔好同媽咪頂咀
-學識放開
-繼續珍惜


阿門!!

返工停轉日

成條team 依然係hei 緊, 隔2個位既P 小姐, 一返工係度講電話:

-由生左粒暗瘡 (我幾想搭咀叫佢搵Jacqueline),

-跟住叫佢個frd研究人地家人關係,

-又話唔好同邊個講野,

-要講煲湯用既料......

每次唔同人, 最少三十分鐘以上...

之後仲可以係pantry 同唔知邊個拎左塊樹葉去養 (~_~")...

嘩, 有冇咁多野講呀! 如果第時我職業性失聰都係因為佢。

原來真係有d咁既人係公司hei住都仲可以生存....

咦.........我家下咪又係(不過我冇喪講電話, 我有扮做野呀)...........唉!

=============================================

今日lunch同A先生出去海邊食light lunch, (其實係我light, 我食左佢個set 個salad), 仲飲左支corona, 天! 我仲要返工! 咩事?!

因為經理放假...

-成條team7個人, 有2個之前已請假 (7-2=5)

-4:00pm, 走左1個 (5-1=4)

-4:15pm, 又走2個 (4-2 = 2)

-4:30pm, 依家得番我一個係度看檔 (其實仲有個AM 係度, 不過係費既)..

妖, 係咪人黎呀...依個咩世界! !!!!!!!!!!!!!!!

神探伽俐略 VS 電車男

星期六晚單拖一個去睇神探伽俐略, 電影好睇過電視 (可能因為冇廣告), 劇情好緊湊, 感情條線睇到我眼濕濕,我信係人情緒低落到極點個陣, 就算一個無關重要既人做左一DD令人感動, 都可以令人有重生。

福山雅治真係好有型,我唔信現實生活真係有咁有型既教授。堤真一飾, 我唔知佢之前做過乜, 但係佢做得好好。松雪泰子係咪真係靚呢?又唔係好覺, 可能我仲係諗梗爆粗band友既佢。

之但係把鬼既係坐係我隔離個兩個電車男, 由一入場開始講佢地屋企樓上住客丟左d煙頭係佢哂緊張被到(佢嘈到我想一把火燒左去), 再講自己唔識做past paper (咁仲去睇戲?!), 由頭到尾係度不停un 腳 (我最憎人un 腳, 仲衰到un到我個位!!) , 至可怕既係佢地有口氣, 睇睇下劇就有一陣陣異味傳過黎, 我頂! 喂, 我張飛係上網買要俾多$7蚊手續費, 我入到去仲要聽到你兩個吹水+un腳+口氣!!!我係心底裡面惡駡一輪...........

===============================================



星期日去睇vivienne westwood 個fashion exhibition,唔多人又幾好睇...之後係賣紀念品個度出左事...買左件冇得換既tee, 試左之後又唔係個回事..激氣!

學水電 VS 大舊筋肉人

J: 好拿悶呀>>>>>>>>>>>>>>>>>>>

S: 搵D野學啦!

J:諗緊呀..不如學水電, 可能識到個男人

S: ~_~"
S: 不如學拉丁舞

J: 下, 要著貼身衫喎...又冇partner...

S: 又唔係要比賽!

J: 男同女一齊跳好睇d....依家可能都係同女仔跳咋...

S: 咁又係

J: 不如學D老舞啦, 好似cha cha, 牛仔舞, 華以滋......希望有日賀哲男搵我去ball 個陣用得著

S:賀哲男係唔ok架，L小姐個日先話佢係一個大舊佬...

J:搵個咁Q有錢既大舊佬又唔錯呀!

S: 哈

J:不過黃德斌仲MAN...都唔錯啦

S:有錢當然好，唔醜樣對我黎講緊要d !..大舊筋肉人我都好驚..

J:大舊筋肉人...好D...唔通搵捧捧堂咩....你諗下你泵佢心口個陣都幾爽...哈哈

S:咁又唔可以係捧捧堂..大隻唔緊要，但唔可以練到筋肉人咁，好似怪獸.......王力宏 吳彥祖 金城武呢d好d

J:其實搵個正正常就得....王力宏 吳彥祖 金城武.....咪咁天真啦........

Merry Christmas

今日收到每年唯一一張的聖誕卡, 係一個認識十數年既友人送的...佢每年都會有送。

曾經有一段時間, 我係大陸做野, 一晚情緒低落到極點, 我無乜朋友, 唯有打個電話俾佢, 其實佢唔駛做d乜, 只要不停講話就可以了, 我只係想聽下有人講野....結果佢語氣冷淡並收線..自此以後, 我有一段時間好嬲佢(其實係我覺得好攞...) , 我只不過想聽下人講野, 你係我最好既朋友點解你都唔明, 佢係我唯一一個敢係佢面前撒嬌既人, 我係係佢面前我至可以有軟弱既一面...唔知係我好彩定係佢不幸, 有日係地鐵撞返, 我至同佢講我有幾嬲佢, 之後再做番朋友...我有討厭過自己對佢既小氣, 不過..佢一定會明白我既..

收到佢既聖誕卡, 我感恩地知道有人仲會大時大節都take care 我...(雖然之後我都會叫佢做仆街)..但係我知我地之後都會好好好好好....因為我care佢。唯有佢至會包容我既任性 (我實在無乜係其人面前可以咁做)...多謝你, 起碼我知道我跌低左, 你會笑我之餘, 仲會扶起我, 提醒我。

風度

倪生與周小姐單野, 忽然叫人想起劉錫明...

細個睇Yes係咁講毒瘤明, 再加上睇埋d八卦書仔, 都知道劉生係俾人老屈, 但係細細個, 又加上耳濡目染, 總對劉生無乜好感...同唔睇好 (依d 咪係天真囉, 人地講多幾講就認為係....)。

依家d雜誌話佢重新番黎, 睇埋佢既意見...喂, 都算係咁喇, 一個男人十幾年前 (正確時間唔記得) 咁樣俾人老屈, 搞到係香港自己地頭立足唔到, 再去第二度重新開始, 依度都唔少野(話哂都幾廿/三歲人) ; 而且劉生講得都幾好呀, EQ咁高, 有哂風度, 又得體, 起碼無咩咬牙切齒, 呼天搶地係度嗌....都羸番唔少喇。果陣佢只不過對自己有好感既女仔表現出黎, 佢又唔係偷, 又無搶, 佢無錯喎...雖然佢敗走個野有d似懦夫....之但係男人有佢咁既風度, 算唔錯喇........不過, 係佢返香港個set打扮就...有待大大大改進囉...

劉生, 你好野!

悶爆

好怕放假唔知做乜, 今日公司4:00pm 可以放工...係公司已經冇乜野做呀啦...係屋企悶爆地執屋...唯有等睇珠光寶氣....咁聽日...點算呢....

做緊乜?

嘩, 我諗依一刻成間公司有2/3 人係hei 梗。就攞我條team 為例, 有5個人坐係度, 但係有4 個人係上網睇自己野...究竟發生咩事?其他人係咪咁跺既呢?係咪成個香港都係咁呢?????????


冇野做真係超級痛苦, 又要坐係度扮有野做, 上網個web 又唔可以放到咁大, 要鬼鼠咁縮到同個inbox 一樣細。好彩blogspot 既blogger文化水準高又好好睇, 我仲可以hei 到由人地一開個blog 追番黎睇.....嘩...睇完真係覺得詞窮呀...好多人都好好睇, 好到要link up 左得閒就睇一睇..

既然咁得閒,悶到嘔既時間, 真係要諗下有咩可以學下....自從讀完master 後都有半年冇搵野學...本來想

-跟葉青霖學下影相, 不過個course 有d 冇興趣, 例如: 婚紗相, 我都係鍾意憑感覺影, 咁當然..都要學d投巧...好似工聯會都有...

-學畫, 無論西洋, 水彩, 山水, 掃瞄, 人像...都好想, 不過我唔太鍾意坐係度磨3-4個鍾..........

-珠寶鑑賞, 當做一技考旁身, 識多樣野仲冇衰,...不過我仲未開始對d 金銀珠寶有興趣喎....冇興趣去學, 就等於無學...浪費$$$

-法文之前學過, 我覺得初頭好好玩, 但之後難左, 加上個人覺得個miss唔鍾意我, (依個都好重要, 對個導師有好感 知祟拜既感覺好重要...如果無就好似冇左動力咁)..日文又唔係好大興趣...冇乜文想學...


學咩好呢.....................悶屎人喇..

如果有好既...............點解唔保留呢....

原來yahoo blog 有得setting俾邊個睇得...咁依個blog 仲留唔留好呢?

原先起依個blog 說係有d野唔想俾人睇, 開左之後, 鐘意寫乜就寫乜....如果可以家邊個睇得, 邊個 唔得, 又好似有心寫俾特定人咁.....................

而且,經過這個多月來既觀察, 係依個blog既人, 無論係文化, 同思想上都好水平。係唔同既blogger上又有唔同既領會, 眼界同心態都大大提升左...

如果有好既...............點解唔保留呢....

其實你都唔係好愛我啫

今日至睇完壹週, 內容講到周小姐對倪生說: 其實你都唔係好愛我啫....

下午3點幾, 同事傳來一篇報導.....

「動搖過，才懂得堅定；失去過，才學會珍惜。一場風波，令我們更了解互相的愛；四方壓力，使我們更體會到彼此的不可分割。試煉，成就了信心。慧敏答應嫁給我了，我們已申請註冊結婚。祝福我們吧。」

下............
女人既包容與愛, 真係大............
祝福!

瘋了

認識了十多年的友人, 今日告訴我要結婚了， 我竟然開心得掉下眼淚來..一方面登人家高興, 另一方面就為自己..........我快要瘋了！

得一想二

睇到活在中層 以下既message, 我更加清楚自己成日想轉工既原因...就係因此pat pat痕...

人係犯賤既，包括我自己，得一想二，永遠覺得人地老婆／女友係索d，現實既係…呢個世界邊有咁多筍工、咁多索女啦，何況各人所要求既野都唔同，你覺得呢份工筍咩，對我可能只係一般，甚至係衰工。 每人對好工既定義都唔同對我黎講，咩叫係好工？當然工作時充實，真係有野要我做，值得我去做，工作時有忙碌既感覺，但只限「正常工作時間」（即係no OT/ET），工作有成功感，有老闆respect，唔一定要在中環區上班，只要老闆好，同事又夾得黎，個office環境可以既話，在工廠區又有咩所謂，間中有得出外公幹都唔錯，而最好既，當然人工福利有番咁上下啦。 你話我要求係唔係好高？我可以話你聽，唔係好高，係非常非常高．．． 邊有咁多呢類既工啦，就算真係有，都未必輪到你．．．現實d啦。 既然係咁，現在份工我又咁多唔滿意，究竟，轉唔轉好？ 要知道，呢個世界係冇perfect既工，所以你要做既，就係張你既criteria prioritize，睇下邊樣對你最重要，從而再去選擇搵新工定係留底。 好似有個留言者JJ咁，看佢現時既工作情況，在一般大眾眼中，可能佢份工都唔算太差，如果我係佢…仲後生既，不如用工餘時間讀個MBA，對佢第時再上位做cfo都好有幫助，如果唔係，真係想轉下工作環境，咁咪做住先，好有要求地去apply工，搵到岩勒，先走都未遲。我就係抱住呢個心態搵工，雖然都唔可以guarantee份新工係適合自己，但起碼我有條件同時間去慢慢搵。 人係貪心架啦，人望高處嘛，好正常，最重要既要知道自己想要d乜，然後理想與實際找個平衡點，當然，講可以天下無敵，實際又可能係另一會事，但如果連自己都唔知自己想點，又有邊個可以幫到你自己？

逃避? 勇氣?

時勢唔好我都知好難搵工, 睇番同期出身既人, 個個都坐得好定, 亦有一定既職位, 但係唔安於現狀既我成日心思思都想求變。我認依個係一個唔理性既表現, 有人可能問係咪逃避, 但我成日係度諗, 有d 人唔變係因為安於現狀, 唔走係因為冇勇氣可以走。我仲想走係因為:

-想變好D
-有D悶
-有得上/走, 趁仲捱得, 拖得太耐, 人愈大, 我怕我會冇勇氣
-搵到好既我仲想走咩.....

警戒

睇到中環薯條 淺談管理一 下規條, 真係大開眼界....不得不抄下來警戒自己....

1. 可靠(reliability)-- 不遲到, 不早退, 做事不脫期, 小錯不能免, 但大錯不能犯, 電郵電話不能miss, 守口如瓶, 對上司不能因下面的小事煩之, 凡事自己「執生」, 對同事不能輕易泄漏上層的動態，因為兩邊有何miscommunication, 或反口不認人, 食死貓者閣下自理。覺得自己幾煩都好, 覺得那件小事幾無必要都好, 有機會做成誤會, 成為別人口中的"excuse"者, 一概不放過要做, 不只要做了, 還要做好。

2. 可望又可即(accessibility) --給上司和同事的感覺: 每時每刻係左近。 電話要長開, 電郵要長check, 上司覺得你無聯絡會擔心氣憤, 同事或合作伙伴發現找你不到會提早鬆人。

3. 簡單精準(kiss - keep it simple and specific) －太長的報告做得如何花團綿簇上司只會束之高閣，一件事不多於三個重點，時地人事、目的、方法、時間表、deliverables要講清楚。擅用清單、圖表等工具，包括流程圖(管理、運作流程改進)、魚骨圖(分析問題之根源)、working schedule、to do list等，肯定能令你管理工作時更有條理、事半功倍。

4. 反應快(responsiveness) -- 反應快有一個最大原則, 就是收到指令或要求後立即執行，執行時記下遇到問題、所需資源、所需人員、所需知識列出，並提供另一可行的解決辦法，然後在對方要求的限期前回覆，要求指示不要因為發現有困難就拖拖拖。

5. 訂定標準 (setting standard) -- 我發現這是一個非常基本但又非常有用的管理方法，對改善工作品質極為有效。在訂定標準途中你會認清什麼是你工作中最重要一環，而你在這一環中應該要做到什麼水準。只有有清晰、可量度的標準才會有效提升工作的質素，也方便別人向你問責，不達標可研究是什麼出問題，達標了就有獎勵。

X'mas party

公司X'mas party, 請來Harry 哥哥做MC。去過幾年唔同公司既X'mas party, 依間最好, 起,碼唔駛D員工做馬戲, 最憎個D硬要員工做哂馬騮戲個種；喂, 平時日日係公司都已經係咁扮哂野, X'mas party 俾人enjoy 下都好啦, 當然最重要就係3:00pm 搞店, 大家可以即時散水。

想想

今日收到風, 我個team 要消失兩個人。Manager 問過兩個人, 有冇意思想走, 亦知唔知有冇人要走。其實依份工真係好hei, 不過d同事就真係好好好好! 可能大家都係平輩啦, 唔駛點鬥餐死, 因為個位係咁, 無乜點上到...但就係咁, 我好悶呀.......我想份工有挑戰..以前份工就係太辛苦, 依家就太hei...

但係依個時勢, 個個都想先保住份工先呀啦, 不過如果manager 問我, 我係咪唔好講我既意向先呢?

貓都係食魚

倪生件事, 只不過再次講明, 無貓係唔食魚, 只不過你睇你隻貓點食, 對主人有冇忠誠度, 仲會唔會揀黎食。單睇相, 個女仔都ok呀...干柴烈火加上酒精撥行, 點會無事發生?敗就敗在在佢係公眾人物又俾斷正, 又對自己20年既愛人無忠誠, 又俾人引誘到姐..............如果無人相support.....唔知周小姐會唔會好天真咁相信倪生係正人君子...反正再問同自己共過患難既人係咪真係咁正宜? 自己係咪咁睇得開?家下仲有相為証, 唔通仲會話個個唔係自己? 而家認哂錯, 唔通就可以當無事?我好想知周小姐既EQ有幾高, 不過依D 咪又係人地家事...駛乜咁多街外人撘咀...我只不過做個case study 姐.....

不過話說回來, 如果係自己個個又會係點?一係由一開始就唔好俾我知, 女人又點會sense 唔到, 有少少味都同你由櫃桶底搵呀! 做人, 對得自己, 對得人..仲要係自己真心愛個個人。又唔係唔同你一齊捱, 只不過求下唔好俾單咁既野玩自己姐.............

生日快樂

依舊唔鍾生日有生日蛋糕
依舊唔鍾生日有很多人專登同我講生日快樂

但今年生日, 要告訴自己我要很快樂。很感恩L 小姐為我安排整日行程, fully occupied my time~


一早朝早約左去CWB修眉 , 下午去TST食日本野, 再轉戰WC某品牌血迸, 慶幸自己去得遲, 無需大出血....試下sz: 38 再試40唔得再去42...竟然可以玩到2個小時....但最後都買左野...
回家小睡一會, 再轉戰LWF clubbing, 期間轉場2次.....自己未去過咁高檔次既clubbing...第一間位於頂樓, 10:30pm 到達, 原來11:00pm 至開始, 企左係個個小小露天地方飲野傾計, 吹住冷風同剛相識既人努力尋話題...後面音樂很嘈...再由高處望落星光燦爛既LKF....以為自己係明星係度同人soso...都幾爽...哈...不過企得太耐的確很累....討論後再到第二場地..係個D 樓人有guard睇你手袋至可入場個隻...感覺又好似SATC...上到去個場依舊很吵...由於時間尚早 (god...成12點喇...) 個舞台到有2名mix 女子扭動腰妓自我enjoy...坐一陣再結識新朋友後有magic 表現..忽然間成層樓好多人..嘻哈哈又到2:30am...


返到屋企我問自己快樂嗎?
我只係同自己講: 你很累了...睡吧........

貓唔食魚?

為左令生日不孤單, 前日晚就主動約了識左十幾年既朋友去飲野...其實係唔鍾意個場有骰盅, 又或者後面猜枚....嘩...隻耳仔嘈到爆呀....可惜..CWB 通常D場就係咁...

傾下傾下...又傾到點解男人鍾意去玩..就算有老婆/女朋友, 只要一有機會, 就好似狗公咁周圍索..太多故事都係咁...其實都係睇個男人係咪自己把持住既...邊有貓唔食魚...咪就係睇下隻貓鍾唔鐘意食依魚姐.........

返工

請左半日假...係屋企實在太悶...下午返工啦..

{哎呀, J..做乜仲返呀?..依度唔興呀....休息下啦....}

{下....Eeeee...係屋企冇野做呀ma...}

{唉呀....}


對於一班由返工可以hei到放工既人黎講..我既存在...對佢地真係一個威脅....

喂....我真係悶至返....大佬又唔係度.........你估真係要博表現咩.........
頂!






其實...今日係我舊曆生日.....由於冇地方去..........我只有繼續留係屋企...阿門！

閒

因為太得閒...所以...病左...........