葉問 2

星期天晚上, 獨自跑去看了葉問 2.

葉問 1 是從PPS 看, 而其實, 老早應該在戲院看.
<記得1上影時, 常常叫同事和我在開工時間偷落公司樓下間戲院, 對, 那時候真的hei到爆, 可以成朝冇野做數手指....家下? 落去食支煙就要拿拿聲返去...)


葉問 2:
-甄子丹, 真係好勁. 講野個陣用一代宗師 (唔好問點解, 覺得似就似)既語氣, 其實好好笑..


-個下連環拳, 我學推拿時玩過, 不過係用黎揼背用..好好玩 (打人個陣)


-洪金寶好勁.."可以為生活而忍, 但為左中國功夫, 就唔可以!!" (類似咁啦..). 仲有咁既年紀都仲打得, 十個勁!!


-熊黛林...花瓶囉, 可有可無, 唔係話佢角色無用, 只不過..唔駛好似新聞紙咁講到咁勁囉!


-樊少皇, 係咪嘥左呢? 佢都好打得呀好似...


-羅莽, 夾硬搞出黎俾人笑,佢都打得呀, 正經點不能嗎?


-黃曉明, 妖, 成日得個款出黎, 額頭寫住"我好型"囉..不如你返去繼續同baby微博吧!


-睇完個下成個人好有中國情意結, 如果有個西人出黎可能要打兩下至走得...




唔識用其他字,

好勁.勁.勁.呀!

占卜

當初選擇了去占卜問卦, 是由於萬般不得意, 是以為問過了, 起碼有方向可以跟著走.


倒頭來, 都是那句, 世事起能儘如人意?




如果占卜出來, 告訴你, 今天會有瑣事, 如不見鎖匙之類, 我會整天心緒不靈, 什至會整日拿著鎖匙. 但到最後可能是自己嚇自己.


如果告訴我, 他是我真命天子, 人間尋尋覓覓, 千轉萬迴後就是他.
是, 我會信.
因為, 從新去愛, 再去為一個人著想, 真的很累.















.

熱翳焗.....

放工後極速落銅鑼灣拎野, 好熱, 好翳, 好焗....心情都一樣...

結果..又出事...買左2000幾蚊野, 係半個小時....

唉..

空間

二十多歲的時候, 想像自己三十多歲可以在家相夫教子

三十歲仍在家的時候, 我只望自己有一片自由空間

.煩.

事情發展似乎倒退, 到現在才吵吵鬧鬧, 很氣餒.

應該在一年前要發生的事現在才出現.

還以為之前講好哂, 可以安安定定的.

對, 我明白是有一年賺了..

但我不是要這樣呀.

好討厭哭.

用了一晚的時間哭到崩潰, 一天不說話來發白日夢

對, 對, 對..我仲要聽日返工.




********************************************
還用一個下午去相熟鋪頭, 原以為可以讓自己訴訴苦, 點知係用左一小時聽sales姐姐感情煩擾, 轉頭去第二間, 另一個相熟sales 再用15分鐘投訴其男友...

一下子, 所有人都有感情問題..














.煩.

Headphone...

朋友是個裝備男 ( 裝備男 by 茶怪老作) , 剛買iphone, 為左追球好音色, 要走去買一個好d既headphone.

去到個d鋪頭先知d人可以咁癲 (ok, 我知d玩音響都好.好.好貴), headphone 價錢由$300 - $2000 (!!), 我都知聽落會有唔同分別, 但好貴好貴囉....

而且仲要用幾廿蚊個盒裝住...



之不過...其實同好女人買衫差唔多姐...

拉薩復活

復活假前2日, 忽然決定去(再去)西藏, 急到呢...訂機票, 睇行程, 搵酒店..卒之都搞好哂至上機.

西藏拉薩, 是我２年前去過的.

當年去到係由心叫到出黎, 藍真是天上的藍, 綠是滿山的翠綠, 湖水是有著不同深淺的顏色, 還有要命的高山反應, 頭痛, 發呆, 可以是完完全全地變成一個環境叫自己感受另一個世界.而拉薩人是純樸的, 最少是我接觸到的...起碼當我擧機影相時, 他們會笑的....

2年後重訪, 天空仍是藍, 但不是天藍, 山不再是儘翠綠, 而是景物前有一兩條興建的電線....
而人...我不知道, 只是我再次擧機來, 有人會怒目, 有小孩會跑過來要錢...



美好的地方, 真的要快去.
再過幾年光境, 只怕會變得不再.


但, 西藏, 我還是會再來的.

************************************************************

可怕的地震!
興幸自己不在當場, 但極度心痛有人死傷.....


..