.煩.

事情發展似乎倒退, 到現在才吵吵鬧鬧, 很氣餒.

應該在一年前要發生的事現在才出現.

還以為之前講好哂, 可以安安定定的.

對, 我明白是有一年賺了..

但我不是要這樣呀.

好討厭哭.

用了一晚的時間哭到崩潰, 一天不說話來發白日夢

對, 對, 對..我仲要聽日返工.




********************************************
還用一個下午去相熟鋪頭, 原以為可以讓自己訴訴苦, 點知係用左一小時聽sales姐姐感情煩擾, 轉頭去第二間, 另一個相熟sales 再用15分鐘投訴其男友...

一下子, 所有人都有感情問題..














.煩.

Headphone...

朋友是個裝備男 ( 裝備男 by 茶怪老作) , 剛買iphone, 為左追球好音色, 要走去買一個好d既headphone.

去到個d鋪頭先知d人可以咁癲 (ok, 我知d玩音響都好.好.好貴), headphone 價錢由$300 - $2000 (!!), 我都知聽落會有唔同分別, 但好貴好貴囉....

而且仲要用幾廿蚊個盒裝住...



之不過...其實同好女人買衫差唔多姐...

拉薩復活

復活假前2日, 忽然決定去(再去)西藏, 急到呢...訂機票, 睇行程, 搵酒店..卒之都搞好哂至上機.

西藏拉薩, 是我２年前去過的.

當年去到係由心叫到出黎, 藍真是天上的藍, 綠是滿山的翠綠, 湖水是有著不同深淺的顏色, 還有要命的高山反應, 頭痛, 發呆, 可以是完完全全地變成一個環境叫自己感受另一個世界.而拉薩人是純樸的, 最少是我接觸到的...起碼當我擧機影相時, 他們會笑的....

2年後重訪, 天空仍是藍, 但不是天藍, 山不再是儘翠綠, 而是景物前有一兩條興建的電線....
而人...我不知道, 只是我再次擧機來, 有人會怒目, 有小孩會跑過來要錢...



美好的地方, 真的要快去.
再過幾年光境, 只怕會變得不再.


但, 西藏, 我還是會再來的.

************************************************************

可怕的地震!
興幸自己不在當場, 但極度心痛有人死傷.....


..

志明與春嬌 Vs 艋舺

志明與春嬌

-拍得幾靚, 好有菲林味

-千樺同黃德斌住個度, 好靚囉....

**題外話: 我尋晚係利時見到黃德斌等女朋友收鋪 (Er...都係睇媽咪姐知..嘻), 好sweet囉, 佢真係好man....

-鍾意佢夠local..即係好...貼近我地依家係既生活:打邊爐... 唱k...4個6...哈哈

-天佑仲乜肥左咁多呀....


*******************************************

艋舺

-4條友 (實數5條), 唱"愛情陷阱, 其實好好笑...

-曖曖昧昧既感覺, 有時幾窩心..

-做妓女個女仔, 好有味道

-做媽媽同黑幫情人個段, 淡淡然...

成套戲都唔錯, 好彩唔似"古惑仔"........

我為樓狂

尋日經過西環, 睇有個新樓盤, 八八卦卦上去睇下有幾好啦....


上到去46樓一個千幾呎示範單位, wuuu....一片維港儘入眼簾, 加上示範單位既精緻裝修, 無錯又提醒草根既我要努力工作...之不過就算一個400幾呎既單位要成500萬, 咁係咪我成世人(什至三世)都要為香港既樓市, 地產發展商去搵錢....自己又過左申請夾屋要求 (天呀, 我好似做錯事咁, 咁係呼我又唔應該努力工作, 一直叫老闆唔好加我人工, 因為我要meet到最低要求呀唔該)....

妖, 總之一句: 小...(唔係, 係大)...喇叭啦... 真係人都顛....


另外話:
1) 示範單位有幾多個人到真係住個陣都keep咁到既樣, 你估個單位真係淨係俾上睇, 當然, 抄既另計...

2) 個會所有個meeting room, 係.好.拿.浮.誇. 個隻, 喂你俾得起3皮幾住最細個單位, 你做緊間公司都唔小野呀啦, 駛唔駛叫班同事會黎個club house開會呢?

定有日同阿姑媽呀大表姨媽講, 喂, 聽日黎我個club house一齊向美國既表叔黎個video conference 呀....痴拿線...


3) 個agent好囂囉: 喂, 講樣野你知, 尋日阿林峰都黎買左個單位...仲有今日一開就賣左6個單喇, 就前日咋, 有個基金西人一次過掃左10個呀.....

咁...關我x事呀....


講完...我覺得我愈來愈草根囉....













.

愛麗絲夢遊仙境 Vs 歲月神偷

愛麗絲夢遊仙境

可能真係期望太大?! 境係好靚, 3D亦好正, 不過對比阿凡達...3D差了一點.
我最鍾意用黎"浪"腳既豬, 真既我就未必敢放隻腳落去...唔..假既, lum gigi..都幾得意.
只是Johnny depp 戲唔夠喉, 可能佢做魔盜王太太太好, 之後做咩角色, 我抽唔番....

暗暗慶辛自己無去Imax 買左貴飛睇....

**********************************************************************

歲月神偷
的而且確, 係因為得左獎至去睇..如果唔係都係等睇碟...

事前已知此戲催淚, 入場前已暗暗放左包紙巾係衫袋....

結果, 套戲真係催淚, 不過眼淺既我, d眼淚都係浪黎浪去....


-任達華真係無得彈, 特別係打風上屋頂"頂住, 同埋最尾要抓橎花俾阿哥個幕, 佢真係做得好好.
-細佬鍾紹圖!!!都好, 不過咁細個會有d咩戲, 係小朋友既清純, , 我相信係導演好野....(yeah!!!)
-個個演員都恰如其分, 吳君如用淡淡然方法去演，睇到好舒服　
-哥哥李治廷英文好好聽...

但我唔明點解
1) 永利街係上環, 又話自己係深水埗
2) 個老豆都唔識英文, 搞乜要走個陣都要有西人神父用英文呢...係咪d同學唔識聽中文??










.

Let's Carrie On！！

不得了, 從素顏天使得知 《Sex and the City 2》, 5月上...

http://www.youtube.com/watch?v=XKQ5yRFkBnE






好想睇..


Carrie 同 MR.BIG 結完婚既生活會係點呢 ．．．






．