好恐怖...

好恐怖

尋日一早有同事問我, 係咪開左個新facebook a/c, 我話冇.
佢話前日見到"我"用全名係facebook 開左個新a/c, 仲不停add我d 朋友.

最可怕既係, 個個a/c上有哂我個人手提電話, 屋企地址, 公司地址同電話.

邊有人咁會寫埋自己咁私人既野上去呢?

仲有幾張連我自己都冇record既相都係個個a/c上面.
仲要, 同我個朋友講野 !!!!!!!!!!!



結果成朝震哂, 要搵朋友上網幫我係facebook舉報, block左去.








點解有人要咁無聊?

係, 我係每份工都做唔長





當見到

-無前途 (即係冇得上位)

- d 同事好討厭 , 自以為是 但又唔叻個d (我知, 周圍都係依d 人)

-無野再值得留戀 (無心做囉即係)

我好想走. 依度夠時間喇.




如果真係如師傅 (ok, 係我之前好迷失果陣去左) 所言, 10月至有新轉機, 依幾個月發生既真係幾準!
-6月會公司有變動, 佢連 調位都估到 ( 全公司要調位), 結果好中!!
-過左10月至有轉工機會....依幾個月斷斷續續都有幾份工interview, 但總係臨門一腳, 有阻滯.唔通真係要到10月 !!!??

癲左癲左......

發左癲, 真係發左癲,




















尋晚發夢, 夢到自己有左bb....


















我諗我已經痴左線 !!

請假

好耐都冇去interview, 今日請左一日假去.

份工同之前好唔同, 暗地裡幾鍾意.

但唔知係咪人大左, 怕改變, 反而擔心有點怕...好矛盾!
之前仲笑人地, 唔轉工係因為怕轉變, 卒之輛到自己都係咁...

好想成事, 但又好怕.

****************************************************************
失眠

已經難以入眠, 每晚都要飲了酒至訓, 卒之酒醒後3點起身個下仲辛苦.
試過有一晚, 4點起身, 5點都訓唔到, 卒之一次過睇哂三集蝸居

今日睇中醫, 話俾醫師知失眠同心口翳,
佢一望之下就話: 啊, 你唔開心姐....


好準呀, 神醫呀!!


****************************************************************

睇完全套蝸居, 又一陣子失落...

色慾都市2

色慾都市2

第一集時, 是一個人去看..
感動, 是在於真的友情歲月.
愛死了她們的友情.
Mr Big 跟Carrie 結不成婚那段, 看幾次就哭幾次.
感同身受.

第二集, 也是一個人去看..
開段的一段, 是Standford 結婚, 好看極了.
其他的都是反正都跟之前的series都差不多.
衫是好看的, 但劇本真的沒太大的吸引.

但仍愛看她們..

長腿姐姐

自小與短裙/褲無緣, 都已經無乜做運動 (可能就係因為冇...亦可能前世打甲組 ~_~" ...)...邊個唔知夏天著條熱褲係好爽咩..又唔知著短裙仔幾咁可愛喎...(okok, 細個個陣囉...).所以, 咁大個人, 都只係係屋企著短褲走黎走去.


細個都有幻想過有43"長腿既, 有試過細過睇"青春"上個D美容院買個D減肥帶減隻腳 (都唔明個陣做女要死慳死抵都要咁做...), 又試過上網買減肥辣椒膏...結果, 都係咁囉...

但當睇到伍詠薇瘦腳paper mask 個陣...我又蠢蠢欲動...(唉...女人呀....!!)














咩喎...我都想有一日有陳敏之咁長又靚既腳呀, $249/3對, 咪買個希望囉...








用既方法就如包裝說明.....


慳家既我, 包完小腿15分鐘, 見到個mask仲充滿水份, 再用佢包埋大脾...之後再過15分鐘, 個mask 已經半濕...唔好浪費, 包埋手臂囉咩事呀...我仲想包埋塊面呀之後 (唔得呀, 謂下咋).....











最重要既緊係結果啦.....


小腿同大脾, 即時小左半吋


手臂-1/4"...


好明顯, 瘦左既係水腫, 仲要係長期個隻..話就話可以可維持3-4天,



唔知會唔會有一日都可成為"長腿姐姐"呢? (或者今晚要早d訓, 搵周生問下都好...)






其實都唔駛長既 (有就緊好啦), 最少, 落街買野都可以短打吖....






呼.......!!


我幾鍾意伍詠薇...真係好有女人味!

懷緬過去常陶醉，一半樂事，一半令人流淚....

1993年11月19日

-新不了情

-黑豹天下

1993年11月13日

-太空館之旅

1994年9年9月4日
-醉生夢死之灣仔之虎
-記得香蕉成熟時

懷緬過去常陶醉，一半樂事，一半令人流淚。

夢如人生，快樂永記取，悲苦深刻藏骨髓。

韶華去，四季暗中追隨，逝去了的都已逝去。

啊......常見明月掛天邊，每當變幻時，便知時光去。

懷緬過去常陶醉，想到舊事，歡笑面常流淚。

夢如人生，試問誰能料，石頭他朝成翡翠。

如情侶，你我有心追隨，遇到半點風雨便思退。

啊......常見紅日照東方，每當見夕陽，便知時光去。

如情侶，你我有心追隨，遇到半點風雨便思退。

啊......常見紅日照東方，每當見夕陽，便知時光去。